Најчудниот хотел во Берлин!

Хотел во Берлин, чиј неочекуван дизајн на собите привлекува посетители во потрага по необични понуди. Во хотелот Propeller Island City Lodge не се наоѓаат само 31 соба, туку и толку различни концепти. Автор на необичниот хотел е германскиот скулптор Lars Stroschen, кој просторот го претворил во „музеј“ со опција за резервација на соби од кои секоја е инсталација за себе.

Во понудата, на пример, има соба во која креветот изгледа како да лебди, соба со кревет кој е дизајниран како ковчег, апартман во кој креветот е во кафез, а има и простории кои изгледаат како недовршени или како да се распаднати, а сепак покрај големата дупка во ѕидот е поставен голем кревет за два авантуристи.
Целиот мебел е во потполност уникатен, како и секое дизајнерско парче во ентериерот. Во мноштвото необичности што ги нуди самиот Берлин, овој хотел е сигурно на врвот на листата на посетителите на овој град желни за поинакви авантури.