Награди за најдобро новогодишно украсени дворови во Бутел

Градоначалникот на општина Бутел Петре, Латиновски денеска ги додели наградите за најубаво украсени дворови по повод новогодишните и божикните празници.

Првонаграден е Денчо Јосимов за илуминативната новогодишна креација „Новогодишна мисија“, втората награда ја доби Јана Палитова за „Распеаниот дедо мраз“, додека третонаграден е дворот на Владимир Димовски со наслов „Трите чувари на зимата“.

Сопствениците на трите најубаво украсени дворови за новогодишните и божикните празници добиле благодарници од општина Бутел и парична награда од по 5.000 денари.