Наградата „Мис ван дер Рое“ оваа година во Амстердам

Наградата на Европската Унија за современа архитектура „Мис ван дер Рое“ за 2017 година, отиде во рацете  на холандските студија NL Architects и XVW Architectuur за иновативното реновирање на оштетена и дотраена станбена зграда од 60-тите, во Амстердам. Со својот проект наречен deFlat, тие го спасиле од рушење еден од најголемите холандски станбени блокови. Со слични проблеми се соочуваат и други објекти од тој период. Зградата Kleiburg е со должина од 400 метри, 11 ката и вкупно 500 станови.
DeFlat славеше во конкуренција на пет проекти кои се најдоа во најтесниот избор. Оваа награда која го носи името на германско-американскиот архитект Лудвиг Мис ван дер Рое, е најпрестижно признание на европската архитектура. Наградата од 60.000 евра се доделува на најдобриот проект изведен во последните две години, кој е дело на европски архитекти.