Над 40% од јапонските компании се против воведувањето на вештачка интелигенција

Анкетата која била спроведена меѓу компаниите во Јапонија, покажала дека речиси 24% од нив веќе имплементирале вештачка интелигенција (AI) во своето работење, додека 35% планираат да го сторат тоа. Високи 41% се изјасниле дека не планираат да ја воведат оваа технологија. Истражувањето го спровела компанијата Nikkei Research, а биле опфатени 506 јапонски компании. На анонимната анкета одговориле половина од нив.

Прашани за тоа кои цели сакаат да ги остварат со користењето на вештачката интелигенција во своето работење, при што била понуден избор од повеќе можни одговори, 60% од испитаниците одговориле дека на тој начин ќе се обидат да го ублажат проблемот со недостаток на работници, додека речиси 36% сакаат да го забрзаат истражувањето и развојот. Што се однесува до бариерите за воведување на AI, се наведува „загриженоста кајвработените дека оваа технологија ќе ги замени“. Другите бариери вклучуваат недостаток на потребните знаења, значајни капитални трошоци и дискутабилната доверливост.