На владеачката десница во Полска и пречат ветерните електрани?!

Американскиот портал ‘Renewable Energy World.com’, известува дека новата полска влада се изјаснила против искористување на енергијата од ветерот. Имено, неодамна именуваниот министер за животна средина изјавил дека неговата владејачка ултрадесно-конзервативна партија „Право и Правда“, е против понатамошно ширење на примената на ветерната енергија во Полска. Воедно, најавил дека предност треба да има геотермалната енергија, а во врска со ветерните електрани тој нагласил дека тие ја уништуваат животната средина и дека се „страно тело во полското културно наследство“. „За жал, станува јасно дека ваквиот став може да биде соодветен само за луѓето на кои им пречи се што е напредно“, оценуваат стручњаците.