На Филипините се гради најголемата соларна електрана на светот со батерии

Филипинската агенција за промоција на инвестициите (BOI), го означила проектот за изградба на најголемата соларна електрана на светот, со моќност од 3,5GW, со т.н „зелена лента“ и така му доделила стратешки статус. Компанијата Terra Solar Philippines (TSPI), прави хибриден систем – вклучува батерии за складирање со капацитет од 4,5 GWh.

Соларната електрана со  батерии ќе се простира на површина од 3.500 хектари северно од Манила. Проектот е проценет на 3,2 милијарди долари, а инвеститорите најавиле дека ќе отворат 4.165 работни места. TSPI тврди сека овој проект е најголема комбинација од соларна електрана и погон за складирање на енергија на светот. Завршетокот на првата фаза е планирана за февруари 2026 година, додека втората би требало да биде готова следната година. Филипините имаат за цел до 2030 година, да инсталираат 15GW за призводство на „чиста“ енергија. Тоа е една од ретките земји во југоисточна Азија кои се посветени на транзицијата кон обновливи извори на енергија.