Порта3 – градежништво, архитектура и екологија Порта3 – градежништво, архитектура и екологија
Воведување сообраќаен режим пар-непар, односно предлог за измена на законот за безбедност на сообраќајот на патиштата и Владата да ги задолжи сите државни и јавни институции и да им препорача на локалните самоуправи за 50 отсто да го намалат користењето на службените возила.
Ова се мерките кои ги предлага Министерството за животна средина и просторно планирање до Владата за намалување на загадувањето.
Како што соопшти Министерството за животна средина и просторно планирање, ресорниот министер Башким Амети денеска се сретнал со претставници на граѓанските здруженија и дискутирале за актуелните проблеми со квалитетот на амбиенталниот воздух и за предлог-мерките за намалување на аеро-загадувањето.
– Целта на оваа средба беше преку неформален дијалог со претставниците на невладините организации кои се занимаваат со оваа проблематика да се разгледаат и продискутираат конкретни, применливи мерки кои во краток временски период ќе дадат видливи резултати во намалување на загадувањето на воздухот, се вели во соопштението од Министерството за животна средина и просторно планирање.
