Порта3 – градежништво, архитектура и екологија Порта3 – градежништво, архитектура и екологија
Цврста и нежна во исто време, челична конструкција ја обвиткува внатрешноста на првиот музеј во светот посветен исклучиво на еден единствен цвет – роза.
Архитектонската фирма NEXT architects е автор на проектот кој победи на меѓународниот натпревар одржан во 2014 година.
Музејот е завршен две години подоцна, а неговото отворање се совпаѓа со Светската конвенција за рози, така што овој традиционален настан оваа година ќе се одржи во новиот храм посветен на најубавиот цвет.
Во парк на површина од 100 хектари, повеќе од триесет земји учеснички ќе презентираат 2.000 видови рози, кои имаат долга историја во кинеската култура и тоа уште од 11 век пред нашата ера.
Фасадата на објектот архитектите ја дизајнирале како долга мембрана од 300 метри, која е направена од челик со отвори во форма на кинески рози, пишува Designboom.
Отвори во форма на рози се играат со светлина и сенки, што го прават објектот динамичен. Ноќе, светлината од внатрешноста сјае низ отворите, што е карактеристичен дизајнерски момент за кинеската архитектура.
Мембраната околу зградата формира четири полуотворени дворови сместени помеѓу фасадата и главниот објект.
