Мост кој го држат две џиновски раце

Во планините над Да Нанг во Виетнам, се наоѓа мост со единствен дизајн. Долг околу 150 метри и обложен со цвеќе, овој „златен“ мост кој го „придржуваат“ две џиновски раце го носи името Golden Bridge, и отворен е за посетители од почетокот на јуни.  Се наоѓа на 1.400 метри надморска височина. Поради својата форма, височината и опкружувањето, се создава излузија на „свилена лента“ која се крие помеѓу облаците над Да Нанг. Должината на мостот  од 150 метри е поделена на осум распони. Покрај секој од нив се наоѓа линија од цвеќиња, додавајќи уште еден слој боја кон златните балустради. Наводно, овој мост е дел од поголем проект со вредност од 2 милијарди долари, со цел да се привлечат туристи во ова подрачје. Кичот се заокружува со проекти на џиновски патки и диносауруси во истото подрачје.