Монтажна куќа која се прилагодува на сопствените потреби

Формите отсекогаш биле извор на инспирација за проектантите. Формите ја прават структурата на нашиот свет и откриваат бескрајни конфигурации кога се комбинираат едни со други. Игри како тетрис и структури како египетските пирамиди не излегоа од мода со причина. Играњето со облици може да биде опсесивно и обезбедува голема флексибилност.

Мајкл Јанчен, мултидисциплинарен уметник со седиште во Ново Мексико, САД, е креативец кој се чини дека е бескрајно инспириран од геометријата. Комбинирајќи одржливост, архитектура и технологија, Јанчен развил адаптибилен модерен дом наречен The Folding Dream House кој се проширува од затворена, правоаголна структура во повеќеслојна куќа од соништата.

Според првичниот концепт, оваа склоплива куќа била проектирана како место за спиење. Со големина на конвенционална хотелска соба, The Folding Dream House се состои од два префабрикувани, преносливи модули.

Секој правоаголен модул е проектиран да се монтира на подигната, триаголна основа која ги поврзува раширените потпорни греди на куќата со нејзината рамка.

На секоја фасада од The Folding Dream House, Јанчен замислил триаголни настрешници и прегради како склопувачки панели кои се протегаат од рамката на куќата.

Објаснувајќи ја структурата на домот што може да се прошири за порталот Yanko Design, Јанчен опишува: “Овие панели може да се отворат или затворат на многу различни начини околу модулот за да одговараат на различни функционални и/или естетски барања. Панелите со дупчиња може да се поместуваат и фиксираат на начин што ги засенува поединечните или сите лизгачки стаклени врати и прозорци. Тие исто така можат целосно да се преклопат околу модулот за да го заштитат целото стакло кога нема никој во куќата“.

Оваа монтажна куќа од соништата моментално е во концептуална фаза, а Јанчен вели дека секој дрвен модул ќе биде обоен во бело. Покрај проширливите панели, секоја фасада поддржува и шест големи лизгачки стаклени врати околу периметарот и два големи стаклени прозорци на покривот.

Внатре во модулот, Јанчен конфигурирал голем кревет, голем плакар, туш, тоалет, мијалник, трпезариска маса со четири столчиња и две мали преносни единици за подготовка и складирање храна.