Модерна резиденција по мерка на млад урбан пар

BV1 Residence е името на куќата која за младиот американски пар ја реализирал локалното архитектонско студио Wernerfield. Објектот се наоѓа во Далас, исто како и бирото на архитектите, а клиентите имале јасна визија за тоа што сакаат: за помалку пари да искористат колку што е можно поголем потенцијалот на парцелата, мноштво стаклени површини поради природниот проток на светлината, како и ориентација кон градината и базенот.

Имено, парот има две кучиња кои времето сакаат да го поминуваат на отворено, а тие самите сакаат да организираат забава во градината за пријателите.

Уредувањето на ентериерот донесува неколку стилови, како што се индустрискиот и скандинавскиот минимализам. Боите кои доминираат се бела и беж, додека само по деталите како што се масивните врати се појавува и црната боја.