Модерна кула како репер во населба од римски период

Оваа кула е проект на архитектите од австриското студио marte.marte architects и истата се наоѓа во археолошка зона, каде се пронајдени остатоци од римска населна. Оваа римска населба се наоѓа во Австрија, во областа Бредерис.

Поставена на аголот од еден римски објект, ориентирана кон друг таков објект, оваа кула има правоаголна форма и трапезоидно двориште. Изведена од челик и застаклена во поголемиот дел од приземјето, оваа кула претставува реперна точка на римската населба, каде пронајдените објекти се речиси без височина.

Ова извонредно решение на австриските архтекти дава нова димензија на организирање на древните населби каде досега тие беа само ископини кои можеа од човекова дистанца да се разгледуваат, а одсега, конкретно во оваа населба, ние можеме да се ориентираме и да ја разгледуваме населбата од поинаков агол, но истовремено и да се засолниме во случај на потреба.