Модерна интерпретација на традиционалната архитектура на островот Кеа во Грција

Ви ја претставуваме новата бетонска куќа изградена на островот Кеа во Грција, која има три дворови формирани околу трите постоечки дрвја на оваа локација.

Оваа куќа е проектирана од страна на познатите грчки архитекти од Атина, Марина Стасинопулос и Константиос Даскалакис.

Карактеристично за овој објект е пристапот, кој и покрај тоа што е модерен, повторно е со огромен респект кон традиционалната градба.

Главни елементи на традицијата на овој остров, кои тука се искористени, се почитта кон постоечката флора, поделба на куќата во зависност од падот на теренот, формирањето разни нивоа кои може да бидат меѓусебно поврзани но и не мора, и слично.

Куќата се наоѓа на платформи со различна височина. На влезот се наоѓа празнина помеѓу волуменот на куќата и терасата што се наоѓа зад неа.

Куќата е целосно изградена по вообичаената практика на градење на локалните градби, без да се употребуваат дополнителни украсни елементи, поголемиот дел од површините (подовите, надворешните ѕидови, внатрешните влезни подрачја, плафоните) се формирани од бетон.