Модерен простор со ретро дизајн

Поткровните простори секогаш се третирале како да служат само за добивање на дополнителен простор во рамките на кровните конструкции. Во поново време ова се менува и овие простори можат да бидат доволно шик, урбани и убаво уредени и да се употребуваат како удобни домови.

Овој стан се карактеризира повеќе со традиционален дизајн на неговиот ентериер. Со помош на ѕидовите што се изведени од видлива полна тула, овој стан е поделен на простори од кои секој има своја функција. Овие простории се наменети како дневна соба, трпезарија, скрининг соба и скриена спална соба.