Модерен апартман со едноставен ентериер

Едноставност, чисти линии, внимателно одбрани бои и современ дизајн се одликите на ентериерот на дизајнерското студио HerZu Design со локација во Кина.

Дневната просторија има отворен план и на неа се надоврзуваат кујната и трпезаријата. Во овој простор преовладуваат сиви нијанси, бела и тиркизна боја. Подот е изработен од темно дрво кое претставува контраст на теписонот со геометриски шари. Специфични се деталите како што се дрвените полици на ѕидовите, уметничкото дело од мермер над софата и уникатниот мебел. Во трепезаријата е поставена едноставна дрвена маса со столчиња во бела боја, додека во спалната просторија преовладуваат нијанси на сива боја.