Минимум материјал – максимална носивост

Системот SmartShell е дизајниран така да го прими оптоварувањето од снег и ветер со минимална маса на вграден материјал. Научниците од Универзитетот во Штутгарт, заедно со компанијата Bosch Rexroth смислиле паметно решение наречено  SmartShell. Се работи за лушпест носач кој е потпрен на едно фиксно и три зглобни лежишта кои овозможуваат поместување во еден правец.

Овие лежишта овозможуваат промена на геометријата на лушпата што значително влијае на оптоварувањето од ветерот и снегот. На овој начин можно е да се покријат 100 квадратни метри со покрив со дебелина од само 4 сантиметри. Распонот на конструкцијата е 10 метри.