Пристап со едноставни геометриски форми и богати текстури

Малите димензии со кои располага овој стан не биле пречка за одличниот дизајнер од Русија, Михаел Темников, да уреди прекрасен простор кој се одликува со минималистички елементи.

Архитектот, главно, користи едноставни геометриски форми и облици но и богати текстури. Со бетонот, арматурните шипки и дрвото, кои се релативно евтини материјали, дизајнерот успеал да направи простор кој е свеж и софистициран.

Овој простор се одликува со релативно мали и компактни димензии на дневниот, работниот и просторот за спиење, додека пак изненадувачки и неочекувано е потрошен поголем простор околу претсобјето и трпезаријата.

Интересна е употребата на жица и арматурни шипки, па така тие се јавуваат кај дел од полиците, столиците и осветлувањето. Исто така и бетонските елементи се застапени во овој стан, па така оваа комбинација, надополнета со дрвото, совршено се вклопува.