Минас Бакалчев и Митко Хаџи Пуља одржаа предавање во Турција

По повод традиционалната недела на Мимар Синан – Mimar Sinan Haftasi, која се одбележува од страна на сите архитектонски факултети во Турција, беа организирани предавања на домашни и странски професори и на факултетот за архитектура и дизајн на Kocaeli University во Коџаели, Турција.

Нашите професори од Архитектонскиот факултет во Скопје, деканот проф. д-р Минас Бакалчев и проф. д-р Митко Хаџи Пуља, се учесници на овој настан кој се уште е во тек. Тие пред два дена одржаа предавање со наслов Learning/Working Architecture.

Освен тоа, во својство на претставници од нашиот факултет на чело со деканот, тие се сретнаа со деканот на Факултетот за архитектура и дизајн на универзитетот Kocaeli, проф. д-р Nevnihal Erdoğan и ректорот на универзитетот проф. д-р Sadettin Hülagü со кои постигнаа договори за соработка.

Неофицијално дознаваме дека се работи за организација на летни школи и изложби на кои ќе учествуваат студенти и професори од двата факултети.