Порта3 – градежништво, архитектура и екологија Порта3 – градежништво, архитектура и екологија
Една милијарда долари ќе бидат инвестирани во работата на проширување и модернизација на белградскиот аеродром „Никола Тесла“, а разговорите со потенцијалните концесионери од Обединетите Арапски Емирати ќе се водат во Белград.
Планот е според моделот на јавно-приватно партнерство да се изгради трет терминал само за потребите на националната авиокомпанија, да се реконструира Терминал I, да се изгради втора писта, најголем карго центар во регионот, како и нов хотел , а за самиот проект, како што пишува „Вечерње новости“ постои голем интерес.
Проширувањето на аеродромот во Белград е неопходно заради најавените директни летови до САД, отворањето на нови дестинации и зголемиот број на патници, а земајќи ја предвид големината на инвестицијата, потребен е концесионер.
Периодот на концесија ќе биде прашање на договор на Владата на Србија и идниот концесионер, но се смета на околу 20 години.
Проектот се претпоставува ќе донесе голема работа и на српските градежни компании.
Експертите на американската воздухопловна власт ќе го посетат Белград повторно во јуни, а еден месец подоцна се очекува нивниот извештај, со кој, по пауза од 10 години, Србија треба да биде вклучена во Категорија 1, што значи дека на авиокомпаниите од Србија директно ќе можат да летаат во Соединетите Американски Држави.
