Како и многу други корпорации, и Microsoft бара начин да стане јаглеродно неутрален. За оваа цел имаат поставено и временски рок, а тоа е 2030 година. За резервно напојување со електрична енергија во случај на прекин, Miscrosoft користи дизел генератори. Тие учествуваат со помалку од 1% од емисиите на компанијата. Со најновите истражувања, се планира тие да се заменат со водородни горивни ќелии. Microsoft започнал да работи на развивање на горивни ќелии со алтернативни горива уште во 2013 година. Тогаш е тестирана идејата за користење на горивни ќелии со природен гас (SOFCs – solid oxide fuel cells).
Имплементацијата на решение со горивни ќелии намето дизел генератори, според одговорните за овој проект, ќе ја подобри ефикасноста на дата центрите за неверојатни 8 до 10 пати.