Менување на таблите со изменетите називи на улиците и во 2016

Годинава ќе продолжи менувањето на таблите со изменетите називи на улиците, но исто така ќе се набавуваат и ќе се поставуваат и табли со куќни броеви, со цел да се регулира нумерацијата на станбените единици во метрополата, во која изминативе 15 години интензивно се гради во сите општини и речиси сите населби, пишува „Дневник“.

– Со оваа одлука се утврдува обврската на Градот Скопје за замена на оштетени или исчезнати таблички со куќни броеви, поставување таблички на објектите на кои е извршена пренумерација на броевите, како и во други случаи утврдени со закон. Потребата за замена и поставување таблички ја определува Секторот за комунални работи, врз основа на претходно утврдени и ажурирани податоци. Трошоците за набавка и поставување се на товар на Градот Скопје, а парите за оваа намена се обезбедуваат со Буџетот – објаснуваат градските власти.