Меѓународна конференција на тема „Климатски промени и зелена економија – улогата на образовниот систем“

Утре (24 ноември), во хотелот Мериот во Скопје, со почеток во 9.30 часот, еколошката младинска организација Гоу Грин Скопје во соработка со Фондацијата Конрад Аденауер од Скопје и Вилфред Мартенс центарот за Европски студии од Брисел, организираат меѓународна конференција на тема „Климатски промени и зелена економија – улогата на образовниот систем“.

Според организаторите, учество ќе земат политичари и граѓански активисти, министри, бизнисмени, професори и научници од регионот и Европската Унија, ќе дискутираат за климатските промени, обврските од „Парискиот договор“, состојбата со енергетскиот сектор, состојбите на секторот вода, и потребите на бизнисите, пазарот на труд и образовниот процес да се приспособат во процесот на „позеленување“ на општествата.