Мегапроект – највисок стаклен мост во светот

Во Кина се гради највисокиот стаклен мост во светот со поглед на смртоносна бездна.

Новиот гигантски стаклен мост што ќе се надвисне над 385 метри широкиот и 300 метри длабокиот Zhangjiajie кањон во провинцијата Хунан во Кина е во завршна фаза на изградба.

Дизајниран е од страна на израелската архитектонска компанија „Хаим Дотан“. Мостот ќе биде долг 430 метри помеѓу потпорните столбови и кога ќе биде завршен ќе биде најдолгиот и највисок мост од овој вид во светот.

Изградбата треба да заврши до јули, а мостот ќе биде отворен во октомври. На него, истовремено можат да бидат 800 луѓе.