Маск контролира една четвртина од сателитите во Земјината орбита

Компанијата Space X и нејзиниот извршен директор Илон Маск, сега контролираат повеќе од една четвртина од активните сателити кои кружат околу Земјата, во рамките на мисијата Starlink. Ракетата Falcon 9 неодамна однесе нова испорака од 60 сателити, со што бројот на Starlink сателити во орбитата надмина илјада. Попрецизно, Space X поседува 27,3% од активните сателити околу Земјата. Доколку продолжи со ова темпо, оваа компанија до крајот на годината ќе поседува 50% од сателитите. Исто така, Space X во моментот лансира повеќе од 20% од ракетите во вселената.