Marriott International: Украдени личните податоци на 500 милиони гости

Marriott International, најголемиот ланец на хотели на светот, ја извести јавноста за огромна кражба на личните податоци на дури 500 милиони гости. Првата информација за обид за неовластено пристапување во базата на податоци, компанијата ја добила во септември, а истрагата покажала дека нивниот систем е пробиен уште од 2014 година.

Се работи за втора најголема кражба на лични податоци во историјата, после хакирањето на три милијарди yahoo кориснички сметки.
Компанијата се соочува со казна во вредност од 4% од годишните приходи.