Макрон: До 2021, Франција ќе ги затвори сите термоцентрали на јаглен

Францускиот претседател Емануел Макрон, вчера ги повика сите земји да ја забрзаат својата транзиција кон почисти извори на енергија, со цел ефективна борба против климатските промени, како и компензирање на последиците од повлекувањето на САД од глобалниот договор за климата. „Франција ќе помогне да се надомести дефицитот во врска со финансирањето на научните истражувања во областа на климатските промени, што е предизвикан со излегувањето на САД од овој глобален пакт, и до 2021 година ќе ги исклучи сите термоцентрали на јаглен“ изјави Макрон на конференцијата за климатски промени во Бон (COP23), на која учествуваат 200 земји.