МАЦЕФ започнува со обуки за енергетски контролори

Обуките за енергетски контролори, МАЦЕФ ќе започне да ги спроведува од следниот месец. МАЦЕФ е едно од петте правни лица кои се овластени да ги спроведуваат овие обуки, покрај Машинскиот факултет од Скопје, Техничкиот факултет од Битола, ЦеПроСард и ГЕИНГ Кребс унд Кифер.

Право на учество во обуката имаат сите лица со високо образование од техничката струка и доказ за најмалку пет години работно искуство во струката на работи на проектирање, надзор и одржување на градежните објекти, испитување на енергетски или процесни постројки, вршење на енергетските контроли или други енергетски услуги, или работа на стручни или научни дејсности од областа на енергетиката. Пријавување ќе се врши до 27 февруари 2014 година.