Луксузен vintage стил

Интересно осветлување, украси, парчиња кои потенцираат одреден агол од вашиот дом, можат да бидат вистински начин за претставување на вашиот личен стил во простор.

Уникатни и автентични примери постојат во изобилство, а на вас останува да изберете стил кој ви одговара.

Ако имате дом во кој доминираат металик и монохроматски нијанси, или оној со малку повеќе екстравагантен стил, волуменозен мебел и детали во нијанси на злато, vintage дизајнот може да биде совршено решение за секој ваш ентериерски проблем.

Еден дел декорација во овој стил, може да ја разбие монотонијата која понекогаш со себе носи модерен или футуристички дизајн.

Таков пример се новите парчиња на брендот Salt City Lamp Works.

Креирани од стари кутии за квалитетни пури, овие ламби сигурно ќе ја дадат дозата на vintage стилот во кој било ентериер, а, исто така, претставува совршен подарок за секој љубител на хедонизмот и пурите.

Оваа збирка, првенствено е наменета за оние што сакаат да го пополнат својот дом со автентичен, vintage шарм.