Луксембург нуди бесплатен јавен превоз дури и за туристите

Во Луксембург граѓаните можат бесплатно да се возат со автобус, воз или трамвај. Јавниот превоз е бесплатен од февруари 2020 година, а исто така покрената е и кампања за намалување на штетното влијание врз животната средина.

Иако една од најмалите земји во Европа, Луксембург е меѓу првите по БДП, особено поради бројните банкарски центри и развиениот финансиски сектор. Оваа земја им нуди бесплатен превоз на сите, па дури и на туристите. Единствен исклучок е патувањето со прва класа.