Легендарното порше на легендарниот Стив Меквин на аукција

Прекрасниот автомобил на легендарниот актер Стив Меквин чека на новиот сопственик.

Стив Меквин беше и останува единствена филмска ѕвезда чии филмови никогаш нема да остарат. Познат по своите големи актерски способности, Стив Меквин е исто така многу познат и по своите автомобили.

Неговиот последен автомобил се продава на аукција и тоа Порше 930 Turbo Carrera од 1976 година. Стив Меквин почина во 1980 година и тоа беше неговиот последен, специјално нарачан автомобил. Автомобилот остана недопрен, односно во состојба во која легендарниот Стив и го оставил.

Поршето на Меквин се продава на аукција во Њујорк следниот месец, и останува да се види кој ќе биде новиот горд сопственик на овој прекрасен и исклучителен автомобил.

Инаку, оваа година, моделот 911 го прославува својот 50-ти роденден.