Пловечка шума во Ротердам

Повеќепати досега објавувавме интересни написи за одржливите практики на Ротердам, особено во однос на јавниот транспорт и извонредните услови за велосипедистите. Овој пат се оди чекор понапред во настојувањата за обезбедување повеќе зеленило, дури и на места каде пошумувањето се чини невозможно.

Ротердам наскоро ќе ја добие својата прва лебдечка био шума. Станува збор за „колекција“ од  дваесетина дрвја кои ќе пловат во пристаништето во Rijnhaven.

Тргнувајќи од желбата и потребата за „позелени“, група холандски дизајнери и претприемачи од Mothership одлучиле да ја спровадат идејата да постават дрвја на потешко достапни места.

Всушност, целата инспирација произлегува од делото на Jorge Bakker ‘In Search of Habitus‘, кое се состои од аквариум полн со пловки на кои растат дрвја. После низата експерименти, донесена е одлука со која на 16 март 2016-та ќе почне засадувањето на дрвјата. Реализирањето на овој проект ќе го направи Ротердам „позелен“ град.