Ламба со светлина во форма на кактус

Оваа ламба наречена „Кактус“ го прави просторот поразигран, но необично е тоа што не е ламба во форма на кактус, туку ламба која има светлина во форма на кактус.

Светилките се дизајнирани од брендот Popup Lighting од Тел Авив, создаден од дизајнерот Chen Bikovski. Секоја ламба „Кактус“ доаѓа со 3 различни влошки во форма на кактуси.

Светилката е изработена од пластично лииње со ЛЕД светло, а достапна е и алуминиумска верзија. Самата светилка е многу мала и не завзема простор, таа е со димензии 10 на 10 сантиметри кога е исклучена, а станува 40 на 10 сантиметри кога е вклучена.

Без оглед дали уживате во декор со пустинска тематика, ви недостасува лето или едноставо не успевате да одгледувате цвекиња, кактус ламбите се интересна идеја.