“La Linea Verde” – зелената линија во Агускалиентес, Мексико

Дванаесет километри долгиот линиски парк “La Linea Verde” – зелена линија во Агускалиентес, Мексико, претставува еден од најнеобичните градски зелени површини во Латинска Америка. Паркот изобилува со пространи тревни површини и  бујна вегетација.

“La Linea Verde” е изграден по иницијатива на Лорена Мартинез, градоначалник на Агускалиентес. До оваа идеја дошла пред само неколку месеци, а целта била да се урбанизираат запоставените делови на југоистокот од градот, каде што царува насилството и криминалот.

Изградбата на пaркот чинела околу 500 милиони пезоси или 40 милиони долари. Поради потешкотиите за собирање на финансиски средства, Мартинез го поделила проектот на неколку помали предлози за финансирање, со цел да може да ги привлече и помалите инвеститори, за да на крајот успее да ги собере потребните финансии.