Културниот центар Pierre Blanches – трезвена и безвременска современа архитектура

Raum Аrchitects непречено го интегрирале културниот центар Pierre Blanches во пејзажот на Saint Jean de Boiseau во Франција. Монолитниот волумен комбинира сирови и одржливи материјали во неговата градба, вклучувајќи тули од теракота, бетон и дрво. Локацијата нуди можност да се зајакне развојот на градот преку потврдување на јавниот карактер на овие објекти и опрема.

Со интегрирање на културниот центар во околината, архитектите настојувале да одговорат на низа предизвици. Прво, проектантите се обидуваат да го зајакнат континуитетот на пејзажот помеѓу северот и југот. Второ, да се овозможи, преку спроведувањето на проектот и неговите односи со надворешните простори, акустична заштита на соседството.

Потоа, да понуди место-идентитет на овој нов асоцијативен и културен центар преку промовирање на развојот на спортскиот центар. И последно, да се создаде можност што ја дава постојниот пејзаж: квалитетен зелен простор на јужниот дел од парцелата го зајакнува пејзажниот континуитет помеѓу северниот и јужниот дел на локацијата.

Применетите материјали ги минимизираат трошоците за одржување, но главно се користат како алатка за предлагање трезвена и безвременска современа архитектура. Квалитетот на овие материјали ја структурира амбиенталната средина, како внатре така и надвор, и целосно учествува во создавањето на проектот и неговата атмосфера.

Главните места за прием на корисниците (сала, сала за прием, просторија за состаноци, музичка сала) имаат високи тавани и дарежливи отвори кои го врамуваат пејзажот и сведочат за важноста на порозноста создадена помеѓу внатрешните и надворешните простори со различни квалитети. Овие два архитектонски инструменти нудат монолитен волумен со плурална интерпретации на функциите и користење на центарот, ставајќи го во поширок географски контекст.

Четирите ленти на пејзажното уредување го поврзуваат проектот со патот создавајќи разновидност на намените, нудејќи нов јавен простор. На западната страна, покрај патеката, новоформираната зелена површина обезбедува континуитет со пошуменото подрачје. Свртено кон главниот влез, предворјето се протега кон улицата, нудејќи лесен пристап за пешаците и велосипедистите. Од источната страна е уреден паркинг простор во близина на спортските терени. Освен својата функција, новата сала за активности преку својата форма и обем овозможува непречено интегрирање во контекстот.