Култните фотографии на Николас Мaрeј на Фрида Кало

Уметникот со унгарско потекло Николас Мaрeј најпознат е по неговите култни фотографии на мексиканската сликарка Фрида Кало, негова љубовница и пријателка. Покрај овие портрети, Мареј – кој побегнал во Њујорк во 1913 година на првиот знак на војна во Европа – фотографирал стотици познати личности, вклучувајќи ги Марта Греам, Грета Гарбо и Мерилин Монро. Мареј подоцна преминал на комерцијална фотографија и го совладал макотрпниот процес на карбон печатење, вешто внесувајќи употреба на боја во своите живописни фотографии на храна и други производи.

Бил баран од брендовите како Coca-Cola и Lucky Strike откако направил една од првите фотографии во боја што е илустрирана во големото американско списание, насловена како Bathing Pool Scene (1931), која била објавена во јунското издание на Ladies’ Home Journal. Кога не бил зад фотоапаратот, Мареј бил успешен мечувач кој се натпреварувал со олимпискиот тим на САД во 1928 и 1932 година, на крајот освојувајќи бронзен медал.