Порта3 – градежништво, архитектура и екологија Порта3 – градежништво, архитектура и екологија
Архиктектурата во Бугарија направи голем исчекор кон современи проекти, пишува ArchDaily. Тоа се однесува и на станбената архитектура, последното дестелетие изградени се низа нови, модерни индивидуални куќи.
Во објектите на архитектонското проектантско биро I/O architects од Софија реализирани се современи идеи преку нивните проектите за семејни домови.
Куќа на помрачување
Оваа куќа е сместена на периферијата на Софија. Сложеноста на програмата се соочува со големината на локацијата и на тој начин ја одредува структурата на куќата. Трите приказни се разликуваат по стратегија и големина.
Првата приказна е под земја, но природно осветлена и директно поврзана со улицата и градината. Збиено и отворено приземје со мала градина сокриено е позади оградата.
Приватноста и сончевата светлина на големиот горен кат се внимателно контролирани со лизгачки панели во големи димензии. Кон улицата се изложени единствено лебдечкиот волумен од пигментиран цинк и слепиот влез, додека остатокот од сложената структура останува неоткриен.
Просторите внатре се интегрирани околу светлината на централниот атриум. Рефлекстирачкиот покрив на длабоката тераса го враќа вантре погледот на градината.
Куќа за набљудување
Куќата се наоѓа на рид на највисокиот агол на село среде земјоделско подрачје во североисточна Бугарија. Местото се одликува со панорамски поглед до каде допира хоризонтот. Дел од содржините се наоѓа во навидум слеп бедем, а станбениот простор е подигнат над него.
Ова придонесува кон поглед 360 степени и приватност во потполно отворениот простор. Падот на кровот геометриски го поврзува горниот волумен со базата и додава сложеност на внатрешниот простор, додека големите стреи го поврзуваат со малата околна ливада и го нагласуваат ефектот на лебдење на тенката метална конструкција.
Пропорцијата и материјалноста на цврстата база и даваат изглед на инфраструктурен објект кој го дефинира работ на селото и ја прикрива амбициозната програма на куќата. Единствениот отвор води до влезниот хол / гаража. Во внатрешните простори доминираат облоги од локални видови дрво, што ја балансира грубоста на целата градба и нејзината околина.
Долга куќа со блага косина
Индивидуална семејна куќа. Голем простор за дневен боравок и трпезарија. Домашна канцеларија. Една главна спална соба. Две спални соби за гости. Голем простор за тераса. Гаража за три автомобили.
Куќата во близина на Трговиште е сместена на локација чија топографијата на парковското опкружување околу куќата наликува на антички театар. Долгата хоризонтална структура свртена е кон поволна ориентација кон сонцето и погледот во блага спротивставеност на падот. На овој начин влегувајќи дијагонално во куќата висината на просторите се менува во однос на нивниот степен на приватност.
Внатрешната функција на просторот се надоплнува со скалите кои се дел од паркот, како и со терасатите дворови позади куќата. Монолитниот изглед на фасадите обложени со камен и предимензионирани архитектонски елементи од една страна и перспективните корекции на предните елементи од друга страна, на двосмислен начин го модулираат обемот на оваа градба.
