Куќа со посебни скали за домашни миленици

Оваа куќа во Виетнам е дизајнирана на таков начин што е комплетно приспособена на две кучиња.

Архитектонското студио 07BEACH проектира куќа имајќи ги предвид не само потребите на сопствениците, туку и на двете нивни кучиња кои се со различни височини. Сопственикот барал да се направат двојни скали: едни за луѓе, а други, специјални, за овие „среќни“ миленици.

Должината на скалите е приспособена на чекорите на кучињата, така што тие многу полесно се движат по овие отколку по скалите за луѓето.

Скалите се раздвоени со челични држачи.

Дури и внатрешните врати во куќата имаат отвори и се дизајнирани така што двете кучиња можат да гледаат што се случува зад нив.