Куќата „Плус“ во Норвешка ќе произведува двојно повеќе енергија од сопствените потреби

Оваа прекрасна експериментална куќа во Норвешка може да произведе двојно повеќе енергија отколку што троши. Проектирана е од страна на архитектонското биро Snohetta на барање на Центарот за истражување на објекти со нулта емисија. Објектот има најнови одржливи технологии и докажува дека куќите можат да произведат многу повеќе енергија отколку што им е потребно. Аголот на косиот покрив е одреден со цел да овозможи оптимално апсорбирање на сончевите зраци, и да помага во обезбедување на природна вентилација.
Со цел максимално искористување на природната светлина, изграден е голем атриум. Неколку системи за греење и подготовка на топла вода сè уште се во фаза на анализа со цел да се избере оптималниот концепт. Ваквите куќи се многу популарен тренд во Норвешка, и силно придонесуваат во дебатата за тоа како да се користи вишокот произведена енергија.