Куќата Моша на падините на Алборз, нуди незаборавен поглед

Оваа куќа е проектирана за да им понуди на корисниците луксузно и трендовско живеење во рамките на својот дом. Локацијата на овој објект е во Моша, место во близина на Техеран, Иран, во доменот на планината Алборз.

Интензивната топографија и положбата на објектот во однос на планинскиот масив, овозможува одличен поглед на долината на планината и прекрасниот пејзаж кој се пружа од оваа положба.

Објектот е составен од три призми кои се поставени на различни нивоа и на различни правци, па така целата игра со кубусите е динамична и интересна. Целосно отворени од предната страна, кон падините, и застаклени, овозможуваат продор на светлина длабоко во објектот, додека пак бочните страни се полни и масивни.

Внатрешноста е обработена главно од природни материјали меѓу кои доминира дрвото, што пак е во склад со природата.