Куќа во тотален склад со природата

Ова ремек-дело на модерната и иновативна архитектура е дело на архитектите од српското студио ЕХЕ и истата се наоѓа во близина на популарното туристичко место Дивчибаре, на падините на планината Маљен, во западна Србија. Иако просторот во кој се наоѓа оваа куѓа е во благ пад и околу неа има борови дрвја, оваа куќа е во целосна кохезијасо околината и ненаметливо се поставува во овој простор.

Архитектите ја имаат поделено оваа куќа на две целини, светла и темна. Овие облици совршено се вклопуваат во ниската борова вегетација и во косиот терен.

Белата половина на куќата во себе ги содржи просториите за живеење, како што се дневната соба и кујната со трпезаријата, додека пак црниот и темен волумен на куќата кој е инспириран од локалните традиционални куќи и ги содржи во себе тремот на приземјето и спалната соба на катот.

Со поделбата на оваа куќа на две целини, архитектите сакале да ја симболизираат и фузијата на модерното и традиционалното во една целина.