Куќа во Иран составена од три неправилно наредени „кутии“

Три волумени се наредени еден врз друг за да ја формираат оваа куќа во близина на Техеран, Иран. Секој волумен е свртен под различен агол со што се овозможува и различен поглед на околината. Архитектите Lida Almasian и Shahin Heidari од бирото New Wave Architecture ја проектирале оваа куќа наречена Mosha House за градежен инженер и неговото семејство. Куќата е смсетена на стрм рид на планинскиот венец Alborz.

За да го искористат најдоброто од локацијата и убавите погледи, архитектите проектирале три еднокатни блокови застаклени на краевите, кои гледаат како на врвовите на планината, така и на рамнината Moshа.
Трите бетонските блокови се наредени неправилно, формираат конзоли, обоени се бело, а тимот имал за цел да создаде „чистота“.

„Интензивната топографија и локацијата меѓу планини со поглед на рамнината Moshа, не инспирираа да создадеме чувство на суспензија и широки погледи за сите простори”, велат архитекти.
„Стрмиот наклон на локацијата овозможува совршено чувство на суспензија за секоја кутија”, додаваат.

Поради изместениот распоред на кубусите на покривот на секој блок и покрај застаклувањето на конзолните краеви формирани се тераси, со што се придонесува да се зголеми надворешниот простор и вклопи во станот.

„Страните на кутиите свртени кон рамнината имаат прозорци од подот до таванот со бројни панорамски погледи”, изјавува тимот.
„Големите прозорци се како транспарентна завеса помеѓу внатре и надвори ги исполнуваат ентериерите со природни погледи”.

Главниот влез во објектот е поставен на горниот кат, каде поминува пристапниот пат, но исто така може да се пристапи и преку патеки од долниот дел на локацијата.

„Нашата цел за спојување на природата со живот на станарите на куќата нè доведе до вертикална дистрибуција на функциите и помало искористување на земјиштето за зградата, а со тоа и распределување на поголем дел од земјиштето за зелено уредување.”, рекоа архитекти.

Двете спални заедно со влезната партија и гаража поставени се на највисокото ниво, додека дневната соба, кујната и трпезаријата се подолу.
Базенот кој се протега околу подножјето на скалите поставен е зад застаклената фасада на најнискиот волумен, заедно со сауната и барот.
Кружните скали направени од бледо дрво се протегаат низ просторот онамо каде се пресекуваат трите кутии.