Куќа во Дорсет, технолошки најнапреден дом во Англија?!

Куќата која се наоѓа на полуостровот Сендбенкс во Дорсет, понудена е на продажба, по цена од 8,7 милиони британски фунти. Куќата е изградена во 2008 година и во објавата за продажба опишана е како „технлошки најнапредна куќа во Англија“. Поседува три ката и опремена е со модерна технологија, стилски дизајнирана и нуди прекрасен панорамски поглед на околните плажи и острови.

Наречена  The Moorings,  куќата е потполно автоматизирана, има геотермално и соларно греење, спа, затворен загреван базен, кино, теретана и голема просторија со билки и растенија. Околу куќата има прекрасна градина чие наводнување е исто така автоматизирано.

Не е сосема јасно што содржи „високата технологија“ која ја рекламира сопственикот, но сепак тоа не го спречува да бара од новиот сопственик речиси 9 милиони фунти.