Порта3 – градежништво, архитектура и екологија Порта3 – градежништво, архитектура и екологија
Куќата проектирана од аргентинското биро A4estudio се наоѓа во Manantiales, Уругвај на два километри од плажа со поглед на бела лагуна.
Архитектите Leonardo Codina и Juan Manuel Filice при проектирањето си поставиле два примарни услова, да добијат надворешен простор кој ќе ги артикулира активностите на отворено, но и ќе ја контролира визуелната врска, ги почитува соседите и овозможува директн поглед на лагуната. И другата, просторот да овозможи независност и приватни односи меѓу посетителите, како и да ја отвори можноста за поефикасно користење на ресурсите што го интегрираат просторот.
Куќата е посавена на терен со благ пад, што најмногу влијаело на конечното решение и подигнување на одредени делови. Архитектите велат дека оваа форма на објектот овозможила најдобар поглед на блиското езеро и околината.
Издвоенети делови на куќата им овозможуваат на корисниците да се осамат и скријат од погледеите на останатите.
Како што пренесува ArchDaily, при изработка на конечното решение голема улога одиграл и правецот на струење на свежиот приморски воздух во регионот.
Помеѓу две подигнати единици сместен е голем двор под сенка на голем бетонски блок во кој е сместена една од големите спални соби.
Во рамки на главниот објект во делот под падината, сместен е голем простор со вински подрум, простор за играње, внатрешен двор и останати помошни простории. Објектот е со површина од 1000 квадратни метри.
Централниот дел на куќата претставува заедничка просторија на отворена основа која вклучува кујна, дневна соба, трпезарија и галерија со фантастичен поглед на околината.
