Куќа падната од небо

Австралискиот уметник Ian Strange го претстави своето ново дело Landed („Приземнет“) на познатиот уметнички фестивал во Аделаида, точно пред предниот дел на Уметничката галерија на Јужна Австралија. Делото е во форма на инсталација, односно во облик на куќа како реплика на неговиот дом од 20-тите години на минатиот век.

Куќата е поставена како да е падната од небо точно пред галеријата. Целосно обоена во црно, делумно „вметната” во асфалтот со остатоци од кршен камен околу себе, оваа site-specific скулптура евоцира момент од „Волшебникот од Оз“, каде што куќата на главниот лик Дороти ја однел ураган и ја фрлил на сосема непознато место.

Верноста на поставеноста и непосредноста на инсталацијата и нејзината чудна локација предизвикува кај минувачите вознемиреност во смисла како тоа би изгледало кога навистина би се случило такво нешто во реалноста.