Куќа на автопат во Кина – одбил понуда од 215.000 евра, а сега се кае (ВИДЕО)

Во декември 2024 година, Хуанг Пинг, човек од округот Jinxi во Кина, зажали за својата одлука да ја одбие понудата на кинеската влада да се пресели од куќата што се наоѓала на трасата за изградба на автопат.

Владата нудела повеќе од 215.000 евра за да се пресели, но тој одлучил да остане. Сега, со куќа опкружена со градилиште, Хуанг Пинг изразува длабоко каење.

Хуанг Пинг живеел со својот внук во мала куќа во југоисточна Кина, која сега е на трасата на новиот автопат кој би требало да ги поврзе руралните делови на земјата. Иако владата понудила значителна сума пари како компензација, Хуанг Пинг ја одбил понудата и одлучил да остане. Инженерите, не можејќи да ја преминат неговата земја, морале да направат заобиколен пат, така што неговата куќа сега станала средина помеѓу два дела од автопатот.

Градилиштето околу куќата станува туристичка атракција

Иако решил да остане, Хуанг Пинг сега жали што не ја прифатил понудата. Во разговор со медиумите тој изјави: „Да можам да се вратам во минатото, би ја прифатил понудата. Сега се чувствувам како да сум изгубил голем облог“. Сепак, самата куќа стана атракција за туристите и медиумите, бидејќи во екот на големата индустријализација таа е единствената што не е поместена.

Куќата на Хуанг Пинг стана пример за феномен познат во Кина како „nail house“ (буквално преведено како „куќа шајка“), што значи куќи кои остануваат недопрени, додека сè околу нив станува предмет на големи инфраструктурни работи. Во Кина овој феномен се случува кога сопствениците одбиваат да прифатат понуди за преселување поради изградба на индустриски или инфраструктурни објекти, како што се автопати, железници или станбени згради. Ваквите куќи стануваат симбол на отпор и цврст став, бидејќи остануваат на истото место додека сè околу нив се менува. Овој феномен стана сеприсутен во Кина, која се соочува со брза урбанизација и индустријализација, а жителите често стануваат жртви на незаузданиот развој.

Ова не е изолиран пример во Кина

Приказната на Хуанг Пинг не е единствена. На пример, до 2017 година, во Шангај постоеше стара „nail warehouse“ која блокираше главен пат 14 години, бидејќи жителите одбивале понуди да се иселат, додека конечно не се согласиле на сума од 350.000 евра. Овие случаи честопати стануваат голем предизвик за владата, бидејќи одложувањето на изградбата поради доцнење во преселувањето може да создаде големи логистички проблеми и да го попречи развојот.