Куќа која ужива во природата

Пристапот до имотот е спроведен преку шумска патека која поминува низ поток и неколку мали езерца. Куќата, дизајнирана од Marku Bollen, е обновена со голем труд и посветеност кон нејзиното опкружување. Ѕидовите од природен камен, ново засадените дрвја, и двете големи вештачки езера го претвориле местото во рај за љубителите на природата како и за целата флора и фауна. Клиентите сакале куќа на дрво која ќе поттикнува радост и уживање кај нивниот син и пријателите.

Токму местото опкружено со смреки покрај понискиот од двата базени е избрано да се постави оваа куќа, така што многу брзо се донела одлуката таа да се развие на два ката и со нејзината тераса да воспостави конекција со крајбрежјето на езерото.

Скалите што ја поврзуваат терасата со брегот се сместени на самиот раб на водата. Од оваа гледна точка тесната палуба личи како да лебди над водата на езерото. Тука посетителот може да влезе во собата од долното ниво, така што преку уште едни надворешни скали може да влезе директно во просториите за спиење.