Куќа без фасада во која не е ладно

Изложените блокови како завршна обработка на ѕидовите и едно дрво бибер во дворот и даваат на оваа куќа посебна визуелна карактеристика.

На расчистена парцела, која била опкружена со постоечко зеленило од соседите, имало зграда наречена House 1311, чиј проект го потпишале архитекти од бирото H Arquitectes.

Лоциран во шпанската општина Кастелдефелс, во соседството со мала густина на население, опкружен со времени објекти, проектот бил претежно фокусиран на мала количина постоечка вегетација, особено на дрвото бибер кое се наоѓа во југоисточниот дел на парцелата. Ова опкружување, но и обликот на темелот на куќата, ги натерало архитектите да ја материјализираат фасадата на посебен начин.

Појдовна точка е да се направи куќа со двор што е составен дел од неа. Доминантното дрво бибер, како и зимзелените соседни дрвја се поставени за да се заштити објектот од сончево зрачење, а по спроведената студија за сончевото влијание, заклучено е дека е најдобро да се насочи сончевото зрачење над покривната зона. Така блокот за спиење добива големи двокрилни прозорци што пуштаат природна светлина во текот на зимата и овозможуваат вентилација во текот на летото, пишуваат архитектите за Divisare.

Позиционирањето на овие простори дополнително условува организирање на други содржини. Така, покрај дневната соба има бања, кујна со трпезарија и просторија за свирење на пијано, додека околу студиото се организирани спални соби и друга бања. Од овие централни простори, се создава визуелна врска со надворешните простори, и преку двокрилните прозорци и преку големите балконски врати.

Овој раздвоен облик на основата, во кој скоро секоја просторија е посебна единица во дворот, резултира со големи фасадни површини што останале целосно сурови, односно со изложените блокови од кои е создадена. Сепак, тоа не значи дека куќата не ги исполнува термичките услови. Напротив! Куќата е изградена од тула Winerberger Pototon T-10 со дебелина од 30 сантиметри, што дава одлични термички резултати. Едноставноста на решението овозможува пасивно регулирање на хигротермалната размена помеѓу ентериерот и екстериерот во текот на целата година. Ѕидот е поделен на хоризонтални зони, така што полесните тули се користени во површини каде што топлинските потреби не се толку големи.

Рамниот бетонски покрив во фасадната зона е скриен со блокови, така што зградата изгледа прилично хомогена однадвор. Бетонскиот рамен покрив е прекинат само во дел од централните простори, каде што е заменет со издигната транспарентна конструкција.

Ротацијата на основата на куќата и една спална соба овозможуваат поблиска врска меѓу внатрешниот и надворешниот простор. Централното поставување на главните простори за живеење, односно просторот за живеење и перимерната организација на местата за спиење ја зајакнува независноста на овие простории и прави секоја соба да делува како кутија во внатрешноста на дворот.