До крајот на 2017 ќе биде отворена најголемата џамија во Турција

Работите на изградбата на новата џамија во Истанбул, која ќе биде најголема џамија во историјата на Република Турција, веќе се приведуваат кон крај, а планирано е до крајот на годинава таа да биде отворена за верниците и посетителите.

Изградбата на објектот започнат пред три години, се простира на површина од 57 илјади квадратни метри, а завршен е поголем дел од комплексот во кој е предвиден и музеј, уметничка галерија, библиотека, конференциска сала, ателје и паркинг.

Џамијата претставува архитектонски спој на османлиско-селџучката градба и модерниот изглед. Претендира да стане еден од симболите на Босфорот. Има шест минариња, а главната купола има 72 метри во чест на 72 нации кои живеат во градот. Може да прими дури 60 илјади посетители во исто време.