Порта3 – градежништво, архитектура и екологија Порта3 – градежништво, архитектура и екологија
Косово доби свој телефонски код +383, кој ќе биде ефективен од 15 декември, пренесува МИА.
Сите други кодови, кои ги има Косово во моментов нема да бидат во употреба по овој датум.
Веста ја соопшти косовската министерка за дијалог Едита Тахири, додавајќи дека со Србија е постигнат договор околу ова прашање.
– Меѓународната унија за телекомуникации ќе го стави во употреба телефонскиот код +383 од 15 декември 2016 година. Нашата држава ќе има сопствен телефонски код, како и сите други држави и ќе има целосна сувереност за сопствениот телефонски код, додека сите други кодови кои се користеа до сега (381, 377, 386) ќе бидат отстранети од употреба, изјави Тахири.
Преговорите меѓу Косово и Србија за телекомуникациите траат околу шест години.
Во замена на суверен код, Косово е обврзано да даде привремена и ограничена дозвола за работа на телекомуникациската компанија МТС.
Според Владата на Косово, добивањето телефонски код е уште едно постигнување во создавањето на идентитет на државата на полето на телефонијата. Со овој договор се одредени и границите на фреквенција меѓу Косово и Србија.
