Концентрациите на јаглерод диоксид во светот надминаа уште една граница

Глобалните концентрации на јаглерод диоксид во март оваа година за првпат од кога е воведено мерење, го надминаа прагот од 400 ppm. Овој пораст во најголем дел се припишува на согорувањето на фосилните горива, објави Националната управа за океаните и атмосферата (NOAA). Од предисторискиот период глобалната концентрација на јаглерод диоксид забележала пораст од над  120 ppm, а дури половина од тоа зголемување се случило по 1980 година, пренесуваат агенциите.

Емисиите на јаглерод диоксид се еден од индикаторите за следење на климатските промени.„Беше само прашање на време да дојдеме до прагот од 400 ppm на глобално ниво“, изјави водечкиот научник во NOAA Pieter Tans.